25 siyasi partiya maliyyə hesabatını təqdim edib
Azərbaycanda dövlət qeydiyyatında olan 26 partiyadan 25-i 2024-cü il üzrə maliyyə hesabatını Mərkəzi Seçki Komissiyasına təqdim edib. AYNA.AZ xəbər verir ki, bu barədə MSK-dan bildirilib.
Qeyd edilib ki, Azərbaycan Xalq Cəbhəsi Partiyası maliyyə hesabatını MSK-ya təqdim etməyib.
MSK-ya maliyyə hesabatı təqdim edən partiyalar aşağıdakılardır:
1 Yeni Azərbaycan Partiyası (YAP)
2 Ağ Partiyası (AğP)
3 Azərbaycan Xalq Partiyası (AXP)
4 Ədalət Partiyası
5 Azad Vətən Partiyası (Azad Vətən)
6 Vəhdət Partiyası (VP)
7 Demokratik İslahatlar Partiyası (DİP)
8 Haqq Ədalət Partiyası (HƏP)
9 Böyük Quruluş Partiyası (BQP)
10 Azərbaycan Demokratik Maarifçilik Partiyası (ADMP)
11 Müsavat Partiyası
12 Yeni Zaman Partiyası (YZP)
13 Vətəndaş Həmrəyliyi Partiyası (VHP)
14 Klassik Xalq Cəbhəsi Partiyası (KXCP)
15 Azərbaycan Milli İstiqlal Partiyası (AMİP)
16 Ədalət, Hüquq, Demokratiya (ƏHD) Partiyası
17 Azərbaycan Demokrat Partiyası (ADP)
18 Milli Cəbhə Partiyası (MCP)
19 Milli Dirçəliş Hərəkatı Partiyası (MDHP)
20 Respublikaçı Alternativ (REAL) Partiyası
21 “Ana Vətən” Partiyası (AVP)
22 Gələcək Azərbaycan Partiyası (GAP)
23 Böyük Azərbaycan Partiyası (BAP)
24 Azərbaycan Ümid Partiyası (ÜMİD)
25 Müasir Musavat Partiyası (MMP)
Qeyd edək ki, siyasi partiyalar illik maliyyə hesabatlarını auditor rəyi ilə birlikdə hər il aprel ayının 1-dən gec olmayaraq, Mərkəzi Seçki Komissiyasına təqdim etməlidir.
Mərkəzi Seçki Komissiyası aprelin 1-dək illik maliyyə hesabatlarını auditor rəyi ilə birlikdə təqdim etməyən siyasi partiyalar barədə Ədliyyə Nazirliyinə məlumat verməlidir.