Nəqliyyat sektorunda çalışan işçilərin orta aylıq əməkhaqqı 1,604 min manat olub
Bu ilin yanvar-mart aylarında Azərbaycanda nəqliyyat sektorunda çalışan işçilərin orta aylıq əməkhaqqı 1,604 min manat olub. AYNA.AZ xəbər verir ki, bu barədə Dövlət Statistika Komitəsindən bildirilib.
Məlumata görə, bu göstərici ötən ilin eyni dövrü ilə müqayisədə 241 manat və ya 17,7% çoxdur.
Belə ki, 2024-cü ilin yanvar-mart aylarında Azərbaycanda nəqliyyat sektorunda çalışan işçilərin orta aylıq əməkhaqqı 1,363 min manat olmuşdu.
Qeyd edək ki, ən yüksək maaşı 2,761 min manat ilə hava nəqliyyatında çalışan işçilər, ən aşağı maaşı isə 674 manat ilə poçt və kuryer fəaliyyəti ilə məşğul olan işçilər alıblar.