Rusiyada koronavirusla bağlı son vəziyyət açıqlanıb
Ötən sutka ərzində Rusiyanın paytaxtı Moskvada pnevmoniya diaqnozu qoyulan və koronavirus infeksiyası ilə bağlı edilən testlərin müsbət çıxdığı daha 44 xəstə vəfat edib.
AYNA-nın məlumatına görə, bu barədə paytaxtın koronavirusa nəzarət və monitorinq üzrə baş qərargahından bildiriblər.
Məlumatda deyilir: "Moskvada pnevmoniya diaqnozu qoyulan və koronavirus infeksiyası aşkarlanmış 44 xəstə dünyasını dəyişib".
Ümumilikdə paytaxtda koronavirusdan 3 231 nəfər ölüb, son sutkada 1 714 olmaqla 202 935 virusa yoluxma halı qeydə alınıb.