Makron Türkiyə xalqına və Prezident Ərdoğana ən xoş arzularını çatdırıb
Fransa Prezidenti Emmanuel Makron koronavirusa yoluxandan sonra Türkiyə Prezidenti Rəcəb Tayyib Ərdoğanın ona göndərdiyi məktuba cavab göndərib.
AYNA xarici mətbuata istinadən xəbər verir ki, Makron məktubunda Prezident Ərdoğana xoş arzularını dilə gətirib və 2021-ci ildə Türkiyənin Avropaya verdiyi töhfələrin davam edəcəyinə ümid etdiyini vurğulayıb.
Məktuba türk dilində “Hörmətli Tayyib” xitabı ilə başlayan Makron Türkiyə xalqına və Prezident Ərdoğana ən xoş arzularını çatdırıb.
Qeyd edək ki, iki liderin yaxın zamanda videokonfrans vasitəsi ilə görüş keçirəcəyi də bildirilib.