. Muzeylər yenidən mütəşəkkil cinayətkarlığın hədəfinə çevrilir
İyul ayında Fransada üç muzey soyulub: Tarn, Bas-Rin və Kot-d'Or. AYNA.AZ xəbər verir ki, bu barədə "Le Parisien" qəzeti məlumat yayıb.
"Bir aydan az müddətdə üç soyğun. Muzeylər yenidən mütəşəkkil cinayətkarlığın hədəfinə çevrilir. 24 iyulda baş verən son oğurluq hadisəsi Kot-d'Ordakı Musée de Châtillon muzeyindən Vix xəzinəsinin bir hissəsi olan qızıl boyunbağı ilə bağlı olub", - deyə nəşr yazıb.
Həmçinin 5 iyulda Bas-Rindəki Lalik Muzeyindən eksponatların oğurlandığı bildirilib: oğrular 4,5 milyon avrodan çox dəyərində 27 zərgərlik əşyası götürüblər. Bundan əlavə, 1 iyul gecəsi Tarn departamentindəki Montana arxeoloji mərkəzindən eramızdan əvvəl 50-ci ilə aid təxminən 40 qızıl sikkə oğurlanıb və dəyəri 120 min avrodan çoxdur.