Biləsuvar rayonunda fərdi yaşayış evində yanğın baş verib
Biləsuvar rayonunda fərdi yaşayış evində yanğın baş verib. AYNA.AZ “Report”a istinadən bildirir ki, hadisə rayonun Bəydili kəndində, 1975-ci il təvəllüdlü Eyvazov Elşad Aydın oğluna məxsus ümumi sahəsi 64 kv.m olan birmərtəbəli 4 otaqlı evdə qeydə alınıb.
Hadisə yerinə Biləsuvar Rayon Dövlət Yanğından Mühafizə Hissəsinin əməkdaşları və texnikaları cəlb olunsa da, ev tamamilə yanıb.
Ev sahibinin sözlərinə görə, yanğın İnternet modeminin alışması nəticəsində baş verib. Faktla bağlı araşdırma aparılır.
Fövqəladə Hallar Nazirliyinin (FHN) “112” qaynar telefon xəttinə Ağcabədi rayonunda vətəndaşa məxsus fərdi yaşayış evində yanğın baş verməsi barədə məlumat daxil olub. Məlumatla əlaqədar dərhal FHN-in Dövlət Yanğından Mühafizə Xidmətinin Ağcabədi Rayon Yanğından Mühafizə Hissəsinin qüvvələri əraziyə cəlb olunub.
Nazirliyin mətbuat xidmətindən verilən məlumata görə, hadisə yerində əməliyyat şəraiti qiymətləndirilərkən yanğının vətəndaşa məxsus birmərtəbəli, beş otaqdan ibarət fərdi yaşayış evində baş verdiyi müəyyən edilib.
Yanğınsöndürənlərin çevik müdaxiləsi sayəsində yanğın genişlənməsinə imkan verilmədən qısa müddətdə söndürülüb.
Nəticədə ümumi sahəsi 252 kvadratmetr olan kürsülü beşotaqlı evin 2 otağının və mətbəxin yanar konstruksiyaları 76 kvadratmetr sahədə yanıb. 1 nəfər xəsarət alıb.
Evin böyük hissəsi yanğından mühafizə olunub.