Fransa artıq 24 maşın sifariş edib və ümumilikdə 48 zirehli maşın almağı planlaşdırır
Fransa ordusu pilotsuz təyyarələrə qarşı konfiqurasiyada yeni “Serval” zirehli maşınları alacaq. AYNA.AZ “KNDS France”a istinadən bildirir ki, avtomobil 2028-ci ildə istifadəyə verilə bilər.
“Serval LAD” (Lutte Anti-Drone) kiçik dronlarla mübarizə üçün xüsusi olaraq hazırlanıb. Fransa artıq 24 maşın sifariş edib və ümumilikdə 48 zirehli maşın almağı planlaşdırır.
İki oxlu avtomobil “Eurocopter Tiger” helikopter topunun bazasında 30M781 MPG avtomatik topla uzaqdan idarə olunan ARX30 döyüş modulu ilə təchiz edilib. Silah yüngül zirehli maşınları, canlı qüvvəni və alçaqdan uçan hava hədəflərini vura bilir.
Silah kiçik dronları vurmaq üçün fraqmentlər buludunu yaradaraq, müəyyən bir nöqtədə partlaya, proqramlaşdırıla bilən sursat alacaq. Qeyd olunur ki, hazırda işlər mərminin hazırlanması mərhələsindədir. Maşın hədəfləri aşkar etmək və izləmək üçün daxili radardan istifadə edir.
İyunun əvvəlində Çexiyanın “EVPU Defence” şirkəti IDET-2025 müdafiə sərgisində uzaqdan idarə olunan “Gladius Max” döyüş modulunu təqdim edib. Dronlarla mübarizə üçün nəzərdə tutulan modul avtomatik silah, radar və optik-elektron hədəf aşkarlama və izləmə sistemi alıb.