Müsadirə edilən yeni obyektlərin dəyəri 10 milyon avrodan çoxdur
Finlandiya məhkəmə icraçıları Ukrayna şirkətlərinin tələbi ilə Rusiyanın 30-dan çox daşınmaz əmlakına həbs qoyub. AYNA bildirir ki, bu barədə STT agentliyi məlumat yayıb.
Bildirilib ki, müsadirə edilən yeni obyektlərin dəyəri 10 milyon avrodan çoxdur.
Oktyabrın sonunda Finlandiya hakimiyyəti tərəfindən müsadirə edilən Rusiya Federasiyasına məxsus 10 mənzildən əlavə, hazırda 30-dan çox obyekt müsadirə olunub. Əvvəllər onlara qarşı məhdudlaşdırıcı tədbirlər tətbiq edilib.
Bundan əvvəl Ukraynanın "Naftoqaz" şirkətinin iddiası əsasında Finlandiyadakı 5 Rusiya daşınmaz əmlakına həbs qoyulmuşdu. Eyni iş çərçivəsində torpaq sahəsi və Rusiya Elm və Mədəniyyət Mərkəzinin (RXM) binası da müsadirə edilib.
Müsadirə qüvvədə olduğu müddətdə Rusiya əmlakı köçürə, məhv edə və ya girov qoya bilməz.