Yeni Tədbirlər Planı hazırlanır
İşğaldan azad edilmiş ərazilərin minalardan təmizlənməsi üçün yeni Tədbirlər Planı hazırlanır. AYNA xəbər verir ki, bu barədə Azərbaycan Respublikası Ərazilərinin Minalardan Təmizlənməsi üzrə Milli Agentliyin (ANAMA) direktoru Qəzənfər Əhmədov bildirib.
O, qeyd edib ki, ANAMA tərəfindən yüksək texnologiyalardan istifadə edilərək minalar axtarılır: “Bununla yanaşı, ərazilərin minalardan təmizlənməsi üçün Tədbirlər Planı hazırlanır və xüsusi texnikalar alınacaq. Hazırda ANAMA-nın altı ədəd mexaniki minatəmizləmə maşını var. Onlardan beşi Slovakiya, biri Xorvatiya istehsalıdır”.