Paytaxtda sürət həddi endirilib

Xəbərlər

08.08.2019 - 11:56

Məqsəd hərəkətin təhlükəsizliyini təmin etməkdir

 

Hazırda paytaxtda müşahidə edilən yağıntılı hava şəraiti ilə əlaqədar Heydər Əliyev prospekti - Hava Limanı - Bilgəh və Zığ dairəsi - Hava limanl avtomagistrallarında bütün zolaqlar üzrə sürət həddi 20 km/saat endirilib.

 

Bakı Nəqliyyat Agentliyindən AYNA-ya verilən məlumata görə, sürət həddinin endirilməsində məqsəd hərəkətin təhlükəsizliyini təmin etməkdir.

 

Hərəkət iştirakçılarına bu cür hava şəraitində ehtiyyatlı olmağı tövsiyə edilir. Həmçinin, sürücülərdən yollarda sürət həddinə əməl etmələri, meteoroloji amilləri nəzərə almalarını və digər hərəkət iştirakçılarına qarşı anlayışla davranmaları xahiş olunur.

 

Eyni zamanda, piyadalara yolun hərəkət hissəsinə çıxmamaq və yolun qarşı tərəfinə keçərkən müəyyən olunan piyada keçidlərindən istifadə etmələri tövsiyə edilir.

Müəllif: Ayna.az