Aktiv hallardan 98-i ölkə daxilində qeydə alınıb
Son sutka ərzində Çində 101 aktiv, 27 asimptomatik yeni koronavirusa yoluxma aşkar edilib.
AYNA-nın məlumatına görə, bu barədə Çinin Dövlət Səhiyyə Komitəsinin rəsmi saytında bildirilib.
Məlumata əsasən, aktiv hallardan 98-i ölkə daxilində qeydə alınıb: 89-u Sincan Uyğur Muxtar Rayonunda, 9-i şimal-şərqdə yerləşən Lyaonin əyalətində, biri paytaxt Pekində.
Əvvəlki gün ərzində ölkədə 68 aktiv, 34 asimptomatik yoluxma halı aşkarlanıb. Ümumilikdə Çində 4 634 nəfər koronavirusun qurbanı olub, 84 060 aktiv yoluxma hadisəsi baş verib.