Vaksin 3-17 yaş arası uşaqlara vurulan bilər
Çin uşaqlarda yeni növ koronavirusa (COVID-19) qarşı “Sinovac” peyvəndinin təcili istifadəsini təsdiqləyib.
AYNA xəbər verir ki, Çin Qlobal Televiziya Şəbəkəsinin (CGTN) xəbərinə görə, Çinin əczaçılıq şirkəti “Sinovac Biotech”in prezidenti Veydong Yin “Sinovac” peyvəndinin 3-17 yaş arası uşaqlarda istifadəsinin təsdiqləndiyini bildirib. Veydong Yin “Sinovac”ın bu ilin əvvəlində gənclər üzərində klinik sınaqlara başladığını söyləyib. O, birinci və ikinci mərhələlərin tamamlandığını və yüngül əks təsirlərin görüldüyünü söyləyib.
Qeyd edək ki, Ümumdünya Səhiyyə Təşkilatı (ÜST) Çin tərəfindən hazırlanan yeni “Sinovac” peyvəndinin təcili istifadəsini 1 iyun tarixində təsdiqləyib.