Xilasedicilər 30 nəfərlik heyət üzvlərindən yalnız üçünü xilas edə biliblər
Cənubi Çin dənizinin Honkonq sahillərində şiddətli qasırğa səbəbindən mühəndis gəmisi qəzaya uğrayıb. AYNA xarici mediaya istinadən bildirir ki, axtarış-xilasetmə işlərinə iki təyyarə və dörd helikopter cəlb edilib.
Xilasedicilər 30 nəfərlik heyət üzvlərindən yalnız üçünü xilas edə biliblər.
Qəza Honkonqdan 300 kilometr cənub-qərbdə baş verib. “Çaba” tropik qasırğasının episentrində olan gəmi iki hissəyə bölünərək batıb.