Portuqaliyada virusa yoluxma faktı 24 300 nəfərdən çoxdur
Portuqaliyanın prezidenti Marselo Rebelo Sousa ölkəsində karantin müddətinə son veriləcəyi xəbərini verib.
AYNA xarici mediaya əsasən xəbər verir ki, mayın 3-də Portuqaliyada karantin müddəti başa çatacaq.
Prezident deyib ki, karantin müddətinin ləğvi hələ koronavirus təhlükəsinin bitməsi demək deyil: “Ölkə iqtisadiyyatında çöküşün qarşısını almaq üçün bu qərar verilib, xəstəliklə mübarizə isə davam edir”.
Qeyd edək ki, Portuqaliyada virusa yoluxma faktı 24 300 nəfərdən çoxdur, ölüm sayı isə 948 nəfərdir.