Böyük Britaniya pandemiya ilə mübarizədə yeni yollar axtarır
Birləşmiş Krallıqda pandemiya böhranı və həyəcanı davam edir. AYNA xəbər verir ki, Karlllığın ayrı-ayrı hissələrində ölüm hallarının artması, hökuməti ciddi narahat etməyə başlayıb. İngiltərə, Şotlandiya, İrlandiyadakı ölüm sayı 40 mini keçməkdədir.
Krallıq ölüm sayına görə, İtaliya və İspaniyanı arxada qoyub. Hazırda qonşuları - İtaliyada 30 min 739 insan, İspaniyada 29 min 744 insan, Fransada 26 min 604 nəfər, Almaniyada isə 7661 insan COVID-19 səbəbindən həyatını itirib.
Böyük Britaniya pandemiya ilə mübarizədə yeni yollar axtarır. May ayının əvvəlində yoluxma və ölüm sayının rekord həddə çatmasına, üstəlik də ikinci dalğanın erkən başlamasına baxmayaraq, ölkə karantini yumşaltmağa davam edir.