Anar Nəcəfli: “Proses planlaşdırdığımız müddətdən daha tez başa çata bilər”
“Bakı-Sumqayıt yolunun genişləndirilməsi istiqamətində işlər davam edir və əvvəldən planlaşdırıldığı kimi işlər may ayınının sonuna qədər yekunlaşdırılacaq”.
Bunu AYNA-ya açıqlamasında Azərbaycan Avtomobil Yolları Dövlət Agentliyinin (AAYDA) mətbuat xidmətinin rəhbəri Anar Nəcəfli deyib. O, prosesin daha tez başa çata biləcəyini də istisna etməyib.
“Planlaşdırdığımız kimi, may ayının sonuna qədər Bakı-Sumqayıt yolunun birinci mərhələsinin təmir-bərpa işlərini yekunlaşdıracağıq. Buna baxmayaraq, ola bilsin ki, proses daha tez başa çatsın və təhvil verilsin”, - Nəcəfli bildirib.
AAYDA sözçüsünün dediyinə görə, birinci mərhələ bitəndən sonra ikinci mərhələyə start veriləcək: “İkinci mərhələnin başa çatması da ilin sonunda mümkün olacaq”.