183 nəfər sağalıb, 5 nəfər vəfat edib
Son sutka ərzində Azərbaycanda yeni növ koronavirusa daha 336 nəfər yoluxub, 5 nəfər vəfat edib. AYNA xəbər verir ki, bu barədə məlumatı Nazirlər Kabineti yanında Operativ Qərargahın brifinqində TƏBİB-in infeksion xəstəliklər üzrə işçi qrupunun rəhbəri Vasif Əliyev verib.
V.Əliyev qeyd edib ki, 183 COVID-19 xəstəsi müalicə alaraq sağalıb və evə buraxılıb: “Hazırda müalicə alan 3992 aktiv xəstə var. Son sutkada 5600 test aparılıb”.