Azərbaycanda daha bir həkim koronavirusdan vəfat edib

Ötən həftə onda ilkin simptomlar yaranıb

Azərbaycanda daha bir həkim koronavirusdan vəfat edib. AYNA Qafqazinfo-ya istinadən xəbər verir ki, Respublika Xüsusiləşdirilmiş Angioloji Mərkəzin baş mütəxəssisi, damar cərrahı 63 yaşlı Faiq Yusifov koronavirus infeksiyasından müalicə olunduğu xəstəxanada ölüb.

Ötən həftə onda ilkin simptomlar yaranıb və bir neçə gün öncə verdiyi testin nəticəsi pozitiv çıxıb. Angioloji Mərkəzdən məlumatı təsdiqləyiblər.