Azərbaycan XİN Ermənistanın növbəti saxtakarlığına dair faktları açıqlayıb

Siyasət

30.05.2023 - 07:51

Ayxan Hacızadə: “Ermənistan liderləri Azərbaycanın suverenliyinə hörmət etməlidirlər!”

Azərbaycanın Xarici İşlər Nazirliyi Ermənistan rəhbərliyinin növbəti aqressiv ritorikası və saxtakarlığına dair faktları açıqlayıb.

AYNA xəbər verir ki, bu barədə Azərbaycan Xarici İşlər Nazirliyinin Mətbuat xidməti idarəsinin rəisi Ayxan Hacızadə tviterdəki hesabında yazıb.

“Ermənistan rəhbərliyinin növbəti aqressiv ritorikası və saxtakarlığı:

İkinci Dünya Müharibəsinə həsr olunmuş bütün barelyefləri silərək, Laçının işğalı ilə bağlı yazıları yapışdıraraq II Dünya Müharibəsi abidəsini dağıdan və 1992-ci ilin mayında erməni terrorçularının siyahısını yandıran məhz Ermənistandır”, - Ayxan Hacızadə qeyd edib.

“Ermənistan parlamentinin spikeri və Baş nazirin yaxın adamı (Azərbaycanın suverenliyini və bütövlüyünü tanıyan Baş nazir) Azərbaycanın qədim şəhəri olan Laçını “Berdzor” adlandıraraq, Azərbaycanın suverenliyinə növbəti hücumu həyata keçirir”, - Azərbaycan Xarici İşlər Nazirliyinin Mətbuat xidməti idarəsinin rəisi vurğulayıb.

“Ermənistan liderləri yalançı ritorikaya son qoymalı və Azərbaycanın suverenliyinə hörmət etməlidirlər!”, - A.Hacızadə qeyd edib.

Azərbaycan XİN Ermənistanın növbəti saxtakarlığına dair faktları açıqlayıb Azərbaycan XİN Ermənistanın növbəti saxtakarlığına dair faktları açıqlayıb Azərbaycan XİN Ermənistanın növbəti saxtakarlığına dair faktları açıqlayıb Azərbaycan XİN Ermənistanın növbəti saxtakarlığına dair faktları açıqlayıb
Müəllif: Ayna.az