Məhkəmə: "Dini geyim qaydaları təhsildə problem yaratmır"
Avstriyanın Konstitusiya Məhkəməsi ibtidai məktəblərdə hicabı qadağan edən qanunun konstitusiyaya zidd olduğu barədə qərar çıxarıb.
AYNA xarici mediaya istinadən xəbər verir ki, Avstriya Konstitusiya Məhkəməsi ibtidai məktəblərdə hicab qadağasının götürülməsinə qərar verib. Qadağanın bərabərlik, düşüncə azadlığı, dünyagörüşü və din prinsiplərini pozduğu bildirilib.
Məhkəmə bu qərarın müsəlman tələbələri hədəf aldığını vurğulayıb. Yalnız müsəlmanlara məxsus dini geyimin qadağan edilməsinin yanlış olduğu da vurğulanaraq, "dini geyim qaydaları təhsildə problem yaratmır", - deyə bildirib.
Qadağaya görə, məhkəməyə müraciət edən ailənin məhkəmə xərcləri də Təhsil Nazirliyi tərəfindən qarşılanacaq. Konstitusiya Məhkəməsinin qərarı ölkədəki müsəlmanlar tərəfindən məmnuniyyətlə qarşılanıb.
Qeyd edək ki, qadağa 2019-cu ildə Baş nazir Sebastian Kurzun rəhbərlik etdiyi ifrat sağçı hökumət tərəfindən tətbiq edilmişdi.