Avropa ölkələri daha bir anti-Rusiya sanksiyalar paketi tətbiq etməyi planlaşdırır
Rusiya Ukraynada atəşi dayandırmaqdan imtina edərsə və bu məsələdə ABŞ-dan dəstək alacağına ümid edərsə, Avropa ölkələri daha bir anti-Rusiya sanksiyalar paketi tətbiq etməyi planlaşdırır. AYNA.AZ xəbər verir ki, bu barədə “Frans Press” agentliyinə müsahibəsində Fransa Xarici İşlər Nazirliyinin rəhbəri Jan-Noel Barro deyib.
“Biz, avropalılar Rusiyaya qarşı 17-ci sanksiyalar paketi ilə Amerikanın bu təşəbbüsünü dəstəkləyəcəyik. Mən ABŞ senatoru Lindsey Qraham qarşısında öhdəlik götürdüm ki, biz bu iki sanksiya paketinin həm mahiyyətini, həm də vaxtını koordinasiya etməyə çalışacağıq”, - Barro bildirib.
Bundan əvvəl ABŞ-ın respublikaçı senatoru Qraham anti-Rusiya sanksiyalarının sərtləşdirilməsini təklif edib.