“Rusiya təhlükəsizlik qüvvələri tərəfindən zorakılıq, işgəncə və qeyri-insani rəftar barədə məlumatlardan dərin narahatıq”
Avropa İttifaqının (Aİ) Azərbaycandakı səfiri Peter Miçalko etnik azərbaycanlıların Rusiyada bu yaxınlarda məcburi saxlanmasını pisləyib və bunun Moskva ilə Bakı arasında diplomatik qalmaqala səbəb olduğunu bildirib. AYNA.AZ "European Pravda"ya istinadən xəbər verir ki, bu barədə Miçalko “Facebook”da yazıb.
Aİ səfiri bildirib ki, o “Rusiya təhlükəsizlik qüvvələri tərəfindən Rusiyada etnik azərbaycanlılara qarşı hətta ölümlə nəticələnən zorakılıq, işgəncə və qeyri-insani rəftar barədə məlumatlardan dərin narahatdır”.
Mixalkonun bəyanatı Aİ-nin Rusiya ilə Azərbaycan arasında münasibətlərdə kəskin böhranla bağlı ilk rəsmi bəyanatı olub.
2001-ci ildə Yunis Paşayevin üstü açılmamış qətli ilə bağlı Yekaterinburqda 50-dən çox Azərbaycan vətəndaşının saxlanılmasından sonra Bakı və Moskva arasında bu yaxınlarda qarşıdurma yaranıb. Azərbaycan hakimiyyəti Rusiyanı açıq şəkildə tənqid edib.
Bazar ertəsi günortadan sonra Azərbaycan “Sputnik Azərbaycan” təbliğat agentliyində gizli işləyən iki Rusiya FTX-nin agentinin saxlanıldığını elan edib. Sonradan məlum olub ki, saxlanılan şəxslər “Sputnik Azərbaycan”ın icraçı direktoru İqor Kartavıx və baş redaktor Yevgeni Belousovdur.