Hadisə nəticəsində dörd nəfər yaralanıb
Ağstafda baş verən qəzada dörd nəfər xəsarət alıb. AYNA-nın APA-ya istinadən xəbərinə görə, hadisə rayonun Poylu kəndində qeydə alınıb. Hərəkətdə olan “VAZ 2106” markalı minik maşını körpüdən aşıb. Nəticədə 4 nəfər xəsarət alaraq xəstəxanaya yerləşdirilib.
Yaralananlardan ikisinin kimliyi məlum olub. Onlar 1981-ci il təvəllüdlü İbrahimov Vidadi Vaqif oglu, 1979-cu il təvəllüdlü Abdullayev Həsən İsrafil oğludur. Faktla bağlı araşdırma aparılır.