Paketə yüksək dağıdıcı gücə malik on minlərlə bomba daxil olacaq
Donald Tramp administrasiyası İsrailə 2,8 milyard dollarlıq hərbi texnika paketi satmağı planlaşdırır. AYNA.AZ xəbər verir ki, bu barədə məsələ ilə tanış olan bir mənbə “Reuters” agentliyinə bildirib.
Məsələ ilə tanış olan və anonimlik şərti ilə danışan ABŞ rəsmisinin sözlərinə görə, paketə yüksək dağıdıcı gücə malik "on minlərlə bomba" daxil olacaq.
Əsas silah satışlarını nəzərdən keçirən müvafiq Konqres komitələrinə qeyri-rəsmi olaraq bildirilən müqaviləyə 20.000 MK 84 bombası və 20.000 BLU-117 bombası daxildir.
Eyni zamanda, qeyd etmək lazımdır ki, ABŞ Müdafiə Nazirliyinin baş müfəttişi İranla müharibənin sursatın "çatışmazlığına" və onların doldurulmasında maneələrə səbəb olduğunu bildirib.
Bir gün əvvəl Tramp İranın "həqiqətən də mümkün qədər tez bir zamanda saziş bağlamaq istədiyini" iddia etmişdi. O, əvvəllər Respublikaçılar Partiyasının seçki uğuruna potensial təsirinə baxmayaraq, İrana qarşı müharibədən peşman olmadığını söyləyib.