ÜST: Son sutkada dünyada yüz minlərlə insanda koronavirus aşkarlanıb
Dünyada koronavirus infeksiyasına 230 418 451 yoluxma qeydə alınıb. AYNA xəbər verir ki, bu barədə Ümumdünya Səhiyyə Təşkilatı (ÜST) məlumat yayıb.
Məlumata görə, son bir gündə COVID-19-a daha 483 898 yoluxma aşkar olunub. Bununla yanaşı, COVID-19-dan ölənlərin sayı 4 724 876 nəfərə çatıb.
Qeyd edək ki, dünyada koronavirusa ən çox yoluxma və ölüm ABŞ-da qeydə alınıb. Birləşmiş Ştatlarla yanaşı, Braziliya, Hindistan, Böyük Britaniya, Rusiya və digər ölkələrdə COVID-19-a yüz minlərlə insan yoluxub.