Ölkədə son sutka ərzində koronavirusdan 11 nəfər ölüb
Ukraynada son sutkada 487 nəfər koronavirusa tutulub. Bu, ötən günlərlə müqayisədə xəstəliyin artımıdır. AYNA xarici KİV-ə istinadən xəbər verir ki, ölkənin Səhiyyə Nazirliyi koronavirusa yoluxanların sayının 13 min 184 nəfərə çatdığını açıqlayıb.
Bunlardan 905-i uşaq, 2 min 251-i isə tibb işçisidir. Ölkədə son sutka ərzində koronavirusdan 11 nəfər ölüb. Ümumilikdə, koronavirusdan ölənlərin sayı 327 nəfərdir. Ölənlərin 85 faizində ürək-damar, şəkərli diabet, böyrək çatışmazlığı kimi xəstəliklər olub. Yoluxanlardan 2097 nəfər tam müalicə olunaraq evlərinə buraxılıb. Ukraynada koronavirusa yoluxanların 60 faizi 30-59, 20,7 faizi isə 60-100 yaşlı insanlardır.
Qeyd edək ki, ölkədə mayın 11-dək bütün beynəlxalq uçuşlar dayandırılıb, karantin elan edilib.