Abş Prezidenti: “Baxaq, atəşi dayandırmağa nail ola bilərikmi?”
Rəsmi Vaşinqton Dağlıq Qarabağdakı vəziyyət barədə məlumat toplayır və tərəflərin döyüş əməliyyatlarına son qoymalarına nail olub-olmayacaqlarını araşdırır. AYNA xarici mediaya istinadən bildirir ki, bu barədə ABŞ Prezidenti Donald Tramp Ağ Evdə keçirilən mətbuat konfransında deyib.
Tramp Dağlıq Qarabağdakı hadisələr barədə ona məlumat verildiyini vurğulayıb: “Bu bölgədə çoxları ilə yaxşı əlaqələrimiz var. Baxaq, atəşi dayandırmağa nail ola bilərikmi? Biz orada baş verənləri diqqətlə araşdırırıq”.