Ostin və Dallasda etiraz aksiyaları keçirilib: onlarla nümayişçi həbs edilib
Texas ştatının şəhərlərində ABŞ-ın immiqrasiya reydlərinə qarşı etiraz aksiyaları başlayıb. AYNA.AZ xarici mediaya istinadən bildirir ki, bu barədə Texas qubernatoru Qreq Abbott deyib.
Qeyd edib ki, Ostin və Dallasda etiraz aksiyaları keçirilib, onlarla nümayişçi həbs edilib.
“Associated Press”in məlumatına görə, üç gündür kütləvi etirazların davam etdiyi Kaliforniya ştatının Los-Anceles şəhərindən əlavə, federal binaların təhlükəsizliyini təmin etmək üçün Milli Qvardiya bölmələrinin gəldiyi San Fransisko və Santa Anada da nümayişçilər küçələrə çıxıblar.