"İrəli çox böyük bir addım atıldı və mən hər iki tərəfi sülh müqaviləsinin mətni üzrə sazişin başa çatması münasibətilə təbrik edirəm”
Almaniya Prezidenti Frank-Valter Ştaynmayer Azərbaycan və Ermənistanı sülh müqaviləsinin mətni üzrə razılaşmanın başa çatması münasibətilə təbrik edib. AYNA.AZ xəbər verir ki, bu barədə Bakıda Azərbaycan Prezidenti İlham Əliyevlə mətbuata bəyanatla çıxış edən Ştaynmayer deyib.
Prezident Bakı və İrəvanı anı qaçırmamağa və müqaviləni mümkün qədər tez imzalamağa çağırıb.
"İrəli çox böyük bir addım atıldı və mən hər iki tərəfi sülh müqaviləsinin mətni üzrə sazişin başa çatması münasibətilə təbrik edirəm. Mən bu gün cənab Prezident İlham Əliyev ilə danışanda ümidvar olduğumu bildirdim ki, biz tezliklə sülh müqaviləsinin imzalanmasının şahidi ola biləcəyik və Cənubi Qafqazda davamlı sülh olacaq”, Almaniya lideri qeyd edib.
Onun fikrincə, prosesin sona çatması üçün tərəflər siyasi iradə nümayiş etdirməlidir: “Mən bunun baş verəcəyinə əminəm”.