Səhiyyə Nazirliyində kadr dəyişikliyi: Şöbə müdiri vəzifədən azad edildi

Gülmirzə Poladovun vəzifəsi dəyişdirilib

Səhiyyə Nazirliyində kadr dəyişikliyi edilib. AYNA nazirliyin mətbuat xidmətinə istinadən xəbər verir ki, nazir Oqtay Şirəliyevin bu gün imzaladığı əmrə əsasən Səhiyyə Nazirliyinin Tibbi Yardımın Təşkili şöbəsinin müdiri Gülmirzə Poladov tutduğu vəzifədən azad edilib.

Şirəliyevin digər əmri ilə o, Məhkəmə Tibbi-Ekspertiza və Patoloji Anatomiya Birliyinin direktor müavini təyin olunub.