Hadisə nəticəsində daha 17 nəfər xəsarət alıb ki, onlardan ikisi uşaqdır
Dünən Rusiyanın Noqinsk şəhərində çoxmənzilli yaşayış binasında baş verən partlayış yerində axtarış-xilasetmə işləri davam edir. AYNA Rusiya mediasına istinadən bildirir ki, son məlumata görə, baş verən partlayışda ölənlərin sayı 7 nəfərə çatıb.
Hadisə nəticəsində daha 17 nəfər xəsarət alıb ki, onlardan ikisi uşaqdır. Zərər çəkən 6 nəfər xəstəxanaya yerləşdirilib.
Hadisə yerində axtarış-xilasetmə əməliyyatı davam etdirilir.
Xatırladaq ki, dünən səhər saatlarında Moskva vilayətinin Noqinsk şəhərindəki çoxmənzilli binada güclü partlayışı baş verib. Hadisə nəticəsində 24 mənzil zərər çəkib, onlardan 17-si tamamilə dağılıb. Binadan ümumilikdə 170-dən çox insan təxliyə olunub. Partlayışa məişət qazı sızmasının səbəb olduğu bildirilir.