Son sutka ərzində 5 min 475 nəfər koronavirusa yoluxub
Son sutka ərzində Rusiyada 5 min 475 nəfər koronavirusa yoluxub. AYNA Rusiya mətbuatına istinadən xəbər verir ki, 169 xəstə vəfat edib, 8 min 116 nəfər sağalaraq evə buraxılıb. Ən çox yoluxma halı Moskvada qeydə alınıb.
Bununla da Rusiyada pandemiya dövründə COVID-19-a yoluxanların ümumi sayı 828 min 990 nəfərə çatıb. Sağalanların sayı 620 min 333 nəfərdir. 13 min 673 pasiyent vəfat edib.
Qeyd edək ki, Rusiya COVID-19 xəstələrinin sayına görə ABŞ, Braziliya və Hindistandan sonra dördüncü yerdə qərarlaşıb.