Dövlətə xəyanətdə ittiham olunur
Ukrayna Baş Prokurorluğu ölkənin keçmiş Prezidenti Pyotr Poroşenkoya cinayət işi açıb. AYNA xarici mediaya istinadən bildirir ki, sabiq ölkə başçısı dövlətə xəyanət və vəzifə səlahiyyətlərindən sui-istifadədə ittiham edilir.
Cinayət işi Ali Radanın deputatı Andrey Derkaçın sabiq Prezidentin gizli səs yazılarını Baş Prokurorluğa təqdim etməsindən sonra başlanıb.
İddia olunur ki, ABŞ-ın vitse-prezidenti Co Bayden, sabiq dövlət katibi Con Kerri və Poroşenko arasında Ukraynada yüksək vəzifəli məmurların vəzifədən kənarlaşdırılmasına dair danışıqlar aparılıb, razılıq əldə edilib.