“Beynəlxalq tərəfdaşlarımızın maraqlarını öz maraqlarımızdan üstün tuta bilmərik”
“Ermənistan Avropa kursundan imtina etməyəcək”. AYNA.AZ erməni mediasına istinadən bildirir ki, bu sözləri Ermənistanın Baş naziri Nikol Paşinyan deyib.
“Sizə aydın və qısa bir cavab verəcəyəm: 2013-cü ildə Ermənistanın bir gecədə fikrini dəyişərək Aİ ilə assosiasiya sazişinin imzalanması prosesindən imtina edərək AİB və ya Gömrük İttifaqına doğru irəliləmək qərarına gəldiyi vəziyyəti istisna edirəm. Cavabım qısa və aydındır: bəli, mən bunu istisna edirəm”, - deyə o İrəvanda Aİ prezidenti Ursula fon der Leyen ilə birgə brifinqdə deyib.
“Bu, xüsusən də Ermənistan xalqının Ermənistan dövlətinin yürütdüyü siyasəti, xüsusən də onun balanslaşdırılmış xarici siyasətini açıq şəkildə dəstəklədiyi indiki vaxtda mümkün deyil”, - deyə Paşinyan bəyan edib.
Baş nazir həmçinin bildirib ki, Ermənistan heç vaxt “Ermənistanla Rusiya arasında münasibətlərdə böhran yaratmaq məsələsini qaldırmayıb və qaldırmayacaq”.
"Biz ölkəmizin maraqlarına uyğun hərəkət edirik. Təbii ki, bir tərəfdən heç bir beynəlxalq tərəfdaşımızın maraqlarını laqeyd qoymuruq, digər tərəfdən isə beynəlxalq tərəfdaşlarımızın maraqlarını öz maraqlarımızdan üstün tuta bilmərik. Düşünürəm ki, bu, istənilən ölkə üçün məntiqlidir", - deyə o bildirib.