Rusiyada koronavirusdan ölənlərin sayı artıb
Rusiyanın paytaxtı Moskvada koronavirus qurbanlarının sayı 611 nəfərə çatıb.
AYNA xəbər verir ki, bu barədə ölkənin Koronavirusla bağlı Vəziyyətə Nəzarət və Monitorinq üzrə Operativ Qərargahı bildirib.
Qeyd edilir ki, son gün ərzində Moskvada daha 65 nəfər COVID-19-un qurbanı olub.
"Moskvada pnevmaniya və koronavirus infeksiyası ilə bağlı testin müsbət nəticə verdiyi 65 pasiyent ölüb", - operativ qərargahdan bildirilib.
Operativ Qərargahın məlumatına görə, Rusiyada koronavirusa 99 399 yoluxma qeydə alınıb. Virusa yoluxmuş 10 826 nəfər sağalıb, 972 nəfər ölüb.