Peskov: “BMT-nin bütün səmərəsizliyinə baxmayaraq, onun əvəzini tapmaq mümkünsüzdür”
“Müasir şəraitdə BMT-yə alternativ tapmaq mümkün deyil”. AYNA rus mediasına istinadən bildirir ki, bu sözləri Rusiya Prezidentinin mətbuat katibi Dmitri Peskov deyib.
“Biz BMT-nin aparıcı rolundan çıxış edirik. Hesab edirik ki, müasir çağırışlar fonunda bu təşkilatın aşkar səmərəsizliyinə baxmayaraq, bu təşkilatı əvəz edən yoxdur”, - Kremlin rəsmi nümayəndəsi bildirib.
Bundan əvvəl ABŞ Respublikaçılar Partiyasından olan konqresmenlər ölkənin BMT və onun tabeliyindəki qurumlarında üzvlüyünə son qoymağı təklif edən “BMT-nin 2025-ci il üçün ayırma aktı” adlı qanun layihəsi təqdim ediblər.