Şəhərlərdə onlarla bina, Manizalesdəki tarixi kafedralın qülləsi uçub
Kolumbiyada baş verən güclü zəlzələ nəticəsində ölənlərin sayı 164-ə çatıb. AYNA.AZ “Reuters”ə istinadən bildirir ki, dağıntıların təmizlənməsi və axtarış-xilasetmə əməliyyatları davam edir.
Şəhərlərdə onlarla bina, Manizalesdəki tarixi kafedralın qülləsi uçub.
Təxminən 2,2 milyon əhalisi olan Kali şəhərində uşaq şöbələrini də əhatə edən böyük bir xəstəxananın yuxarı mərtəbələri uçub. Xəstəxananın baş həkimi “Caracol” televiziyasına verdiyi açıqlamada deyib ki, bəzi xəstələr dağıntılar altında qalıb və onlardan təxminən 600-ü çöldə müalicə olunur.
Rəsmilər bildirirlər ki, indiyə qədər Kalidə 85 nəfərin öldüyü təsdiqlənib.
Pereira şəhərində ən azı 66 nəfər ölüb. Şəhərin hava limanı da daxil olmaqla çoxsaylı binalar zədələnib və ya uçub. Kali və Pereira şəhərlərində gecə saatları üçün komendant saatı elan edilib.