“110 fələstinlidən ibarət üçüncü məhbus qrupunun azad edildiyini məmnuniyyətlə elan edirik”
Qəzzada atəşkəs razılaşması çərçivəsində İsrail həbsxanalarından 32-si ömürlük həbs cəzası çəkən 110 fələstinli məhbus azad edilib.
AYNA xəbər verir ki, bu barədə Fələstinli Əsirlərin İşləri üzrə İnformasiya İdarəsi öz “Telegram” kanalında məlumat yayıb.
“110 fələstinlidən ibarət üçüncü məhbus qrupunun azad edildiyini məmnuniyyətlə elan edirik. Buraya ömürlük azadlıqdan məhrum edilmiş 32 nəfər, uzunmüddətli cəza çəkən 48 nəfər və azyaşlı 30 nəfər daxildir”, - deyə məlumatda bildirilib.
Misirin “Əl-Qahirə əl-İxbariyyə” telekanalı xəbər verir ki, azadlığa buraxılmış azı 9 məhbus artıq Qəzza zolağına qayıdıb. Üçüncü qrupdan hər hansı birinin Fələstin torpaqlarından kənara deportasiya edilib-edilməyəcəyi barədə hələlik məlumat yoxdur.