Prezidentin köməkçisi: "Ermənistanın enerji infrastrukturuna hücum cəhdləri boşa çıxıb”
Ermənistan Bakı-Tbilisi-Ceyhan boru kəmərinə kaset tipli raketlər atıb. AYNA xəbər verir ki, bu barədə Azərbaycan Prezidentinin köməkçisi Hikmət Hacıyev Tvitter hesabında paylaşım edib.
O bildirib ki, raket boru kəmərindən 10 metr aralı düşüb. “300+” kaset tipli bombaların qəlpələri isə ətrafa yayılıb, kəmərə ziyan dəyməyib.
"ANAMA hadisə yerində fəaliyyət göstərir. Ermənistanın enerji infrastrukturuna hücum cəhdləri boşa çıxıb”, - deyə H.Hacıyev paylaşımında yazıb.
