Hazırda havada tozun miqdarı normadan iki dəfə çoxdur
Hazırda havada toz dumanı müşahidə olunur. Milli Hidrometeorologiya Xidmətindən AYNA-ya verilən məlumatına görə, bu gün günorta saatlarından başlayaraq Bakı və Abşeron yarımadasında cənub-şərq istiqamətli hava kütlələri vasitəsilə ölkəmizə daxil olan toz dumanı müşahidə olunur.
Peyk görüntülərindən əldə olunan məlumata əsasən, havada müşahidə olunan toz dumanı transsərhəd xarakter daşıyır. Hazırda havada tozun miqdarı normadan iki dəfə çoxdur.
Belə tozlu havanın gün ərzində davam edəcəyi gözlənilir.