"O, dövlətin strateji qaydalarını və inkişaf planlarını yaxşı başa düşür"
Qazaxıstan Prezidenti Kasım-Comart Tokayev öz administrasiyası rəhbərinin birinci müavini Erlan Karini ölkənin vitse-prezidenti təyin edib. AYNA.AZ qazax mediasına istinadən bildirir ki, müvafiq fərman 31 avqustda Qazaxıstan liderinin Mətbuat Xidmətinin saytında dərc edilib.
Sənəddə deyilir: "Karin Erlan Tınımbayulu Qazaxıstan Respublikasının vitse-prezidenti təyin edilsin və əvvəlki vəzifəsindən azad edilsin".
Karinin namizədliyi şəxsən Tokayev tərəfindən irəli sürülüb.
“Kazinform” xəbər verir ki, bazar ertəsi səhər Qazaxıstanın Kurultayının (birpalatalı parlament) 141 deputatı onu dəstəkləyib. Səsvermədən əvvəl Tokayev Karinin dövlət qulluğunda geniş təcrübəsini qeyd edərək bildirib ki, o, "dövlətin strateji qaydalarını və inkişaf planlarını yaxşı başa düşür".