Suriya Prezidentini Türkiyəyə Ərdoğanın dəvət edib
Suriya Prezidenti Əhməd əl-Şaraa fevralın 4-də Türkiyəyə səfər edəcək. AYNA xəbər verir ki, bu barədə Türkiyə Prezidenti Administrasiyasının kommunikasiya şöbəsinin rəhbəri Fəxrəddin Altun sosial şəbəkə hesabında yazıb.
“Suriyanın müvəqqəti Prezidenti Əhməd əl-Şaraa Prezident Rəcəb Tayyib Ərdoğanın dəvəti ilə fevralın 4-ü Ankaraya səfər edəcək. Danışıqlar zamanı Suriyadakı son hadisələr müzakirə olunacaq. Suriyada iqtisadiyyatın bərpası və davamlı sabitlik və təhlükəsizliyin təmin edilməsi üçün iki ölkənin atmalı olduğu birgə addımlar dəyərləndiriləcək”, - deyə Türkiyə rəsmisi qeyd edib.
Altun əlavə edib ki, “Türkiyənin Suriyadakı keçid hakimiyyətlərinə çoxtərəfli platformalarda verə biləcəyi dəstək” məsələsi də müzakirə olunacaq.