Dünya və Avropa çempionu 76 yaşında dünyasını dəyişib
Futbol üzrə dünya və Avropa çempionu olan almaniyalı futbolçu Herd Müller 76 yaşında dünyasını dəyişib.
AYNA xarici KİV-ə istinadla xəbər verir ki, Herd Müllerin nədən öldüyü məlum deyil.
Ən yaxşı bombardirlərdən hesab edilən futbolçu Qızıl top və 2 dəfə Qızıl buts sahibi olub.
Qeyd edək ki, Herd Müller üç dəfə Avropa kubokunun qalibi olub. Futbolçu 1964-1979-cu illərdə "Bavariya" klubunun hücumçusu olub, Almaniya millisində oynayıb.
Müller futbol tarixinin ən çox qol vuran oyunçularından biri hesab olunur.