Çempionlar Liqasının oyunları təxirə salınıb

İdman

27.02.2020 - 02:48

Koronavirus təhlükəsi bütün dünyanı təşvişə salıb 

 

Asiya Çempionlar Liqasının mart ayında Cənubi Koreyada keçirilməli olan oyunları ləğv olunub.

 

AYNA "Report"a istinadən xəbər verir ki, buna koronavirus epidemiyası səbəb olub.

 

ÇL-də iştirak edən yerli klublar - "Seul", "Ulsan", "Suvon" və "Çonbuk"un 3-4 mart tarixlərində evdə oynamalı olduqları matçlar qeyri-müəyyən müddətədək təxirə salınıb. 

 

Qeyd edək ki, Cənubi Koreyada koronavirusa 1 146 yoluxma halı qeydə alınıb. Bunlardan 12-si ölümlə nəticələnib. Epidemiyaya görə yerli çempionatın startı (29 fevral) da təxirə salınıb.

Müəllif: Ayna.az