İcra başçısının rüşvət aldığı yerdə saxlanıldığı bildirilir
Cəlilabad Rayon İcra Hakimiyyətinin (RİH) binasında əməliyyat keçirildiyi bildirilir. AYNA xəbər verir ki, bu barədə yerli mediada məlumat yayılıb.
Qeyd olunur ki, hüquq-mühafizə orqanlarının keçirdiyi əməliyyat nəticəsində saxlanılanlar var. Saxlanılanlar arasında Cəlilabad RİH-nin başçısı Namiq Zeynalovun da olduğu söylənilir.
Hələlik əməliyyatla bağlı rəsmi açıqlama olmasa da, saxlanılanlar korrupsiya və rüşvət əməllərində təqsirli bilindikləri qeyd edilir. Hətta icra başçısının rüşvət alarkən saxlanıldığı vurğulanır.