Zərif ABŞ-la nüvə sazişi barədə müzakirə aparılmadığını deyib
İranın xarici işlər naziri Məhəmməd Cavad Zərif nüvə sazişinin İran üçün hələ də əsas mövzulardan biri olduğunu bildirib. AYNA xəbər verir ki, Cavad Zərif bu barədə “Həmşəhri” qəzetinə müsahibəsində vurğulayıb.
Zərif İranın bu istiqamətdə ABŞ-la müzakirə aparmadığını və bu məsələdə ən yüksək səviyyədə razılığa gəlməyin vacib olduğunu əlavə edib: “Hazırda İranla ABŞ arasında nüvə razılaşması ilə bağlı heç bir görüş olmayıb. ABŞ-ın nüvə sazişinə geri qayıtması üçün müzakirəyə ehtiyac da yoxdur. Çünki biz hər zaman masada olmuşuq və ona görə də bizim müzakirə masasına qayıtmağımıza ehtiyac yoxdur”.
“Müzakirə masasına qayıtmağı ABŞ düşünməli və bunun üçün bilet almalıdır.Yalnız ondan sonra ABŞ 5+1-in bir parçası olacaq və yalnız bundan sonra dialoq baş tuta bilər”, - deyə iranlı nazir vurğulayıb.