Bayden: "1.9 trilyonluq yardım paketi 7 milyon şəxsə iş sahəsi açacaq"
ABŞ prezidenti Co Baydenin dünən imzaladığı 1.9 trilyonluq iqtisadi yardım paketinin 7 milyon şəxsə yeni iş sahəsi açağı açıqlanıb.
AYNA-nın məlumatına görə, imzalanan iqtisadi yardım paketi ilə əlaqədar ölkə başçısı Ağ Evdə konfrans keçirib.
"Bu iqtisadi yardım paketi ölkədəki bir çox təcili məsələlərə birbaşa təmas edəcək. Milyonlarla insanın həyatını dəyişəcək", - deyə ABŞ prezidenti bildirib.
Qeyd edək ki, iqtisadi yardım paketi çərçivəsində vətəndaşlara 1.400 dollarlıq çeklərin verilməsi nəzərdə tutulub. Bayden bildirib ki, bu dəstək çekləri nəticəsində 7 milyon şəxs yeni iş sahələri açacaq.
Dəstək paketi ildə 75 min dollardan az qazanan şəxslər üçün nəzərdə tutulub.