Qəza nəticəsində sürücü xəsarət almasa da, avtomobilə ciddi ziyan dəyib
Bakıda yol-nəqliyyat hadisəsi baş verib. AYNA “Report”a istinadən xəbər verir ki, hadisə Heydər Əliyev prospekti, Bakı Olimpiya Stadionunun qarşısında qeydə alınıb.
Belə ki, 90-PY-491 dövlət nömrə nişanlı “KİA” markalı avtomobilin sürücüsü, 1992-ci il təvəllüdlü, Abdullazadə Orxan idarəetməni itirib.
Nəticədə avtomobil yol kənarındakı işıq dirəyinə çırpılıb.
Qəza nəticəsində sürücü xəsarət almasa da, avtomobilə ciddi ziyan dəyib.
Hadisə yerinə DYP əməkdaşları cəlb olunub.