Ədliyyə naziri layihə hazırlanması göstərişi verib
Avropa ölkələrinin əksəriyyətində özəl icra məmurları fəaliyyət göstərir. Ədliyyə nazirinin göstərişilə Azərbaycanda da özəl icra məmurları ilə bağlı layihə hazırlanır. AYNA-nın xəbərinə görə, bunu Ədliyyə Nazirliyi İcra baş idarəsinin rəis müavini (rəis vəzifəsini icra edən) Fərid Əfəndiyev bildirib.
F.Əfəndiyev deyib ki, hazırda layihə razılaşdırma mərhələsindədir: “Qanuna əsasən bəzi məsələlər özəl və dövlət icra məmurları arasında bölünəcək. Vətəndaşa seçim imkanları olacaq”.
Onun sözlərinə görə, özəl icra məmurları göstərdikləri xidmətə görə qonarar alacaqlar: “Nazirlər Kabinetinin qərarına əsasən, onlar ödəniş müqabilində xidmət göstərəcəklər”.