Qəbir daşları ərazidə tikinti işləri başlamazdan öncə tapılıb
Yunanıstanda idman zalının inşası zamanı Osmanlı dövrünə aid qəbirlər dağıdılıb. AYNA xarici mətbuata istinadən xəbər verir ki, Selanikdəki Qargara kəndi yaxınlığında idman zalının tikintisi zamanı Osmanlı dövrünə aid 201 məzar tamamilə dağıdılıb. Qəbir daşları ərazidə tikinti işləri başlamazdan öncə tapılıb, qazıntı işlərindən sonra bütün qalıqlar məhv edilib.
Tikinti zamanı qəbirləri görən fəhlələr əvvəlcə işi dayandırıblar. Rəhbərlik Halkidiki Tarixi İşlər Müdirliyinə və Nea Propontida Bələdiyyəsinə məlumat verdikdən sonra bölgəyə gələrək kəşfiyyat işləri aparan muzey və bələdiyyə işçiləri işləri davam etdirmə qərarı veriblər.